Yeni Serverimiz Azərbaycan Data Mərkəzinə Yerləşdirildi

Müştərilərimizə daha sürətli, daha stabil və etibarlı hosting xidməti təqdim etmək məqsədilə yeni serverimiz Azərbaycan data mərkəzinə uğurla yerləşdirilmişdir.

Hazırda server tam texniki test və optimallaşdırma mərhələsindədir. Bu müddət ərzində performans, təhlükəsizlik, şəbəkə sabitliyi və bütün sistem komponentləri ətraflı şəkildə yoxlanılır ki, xidmət istifadəyə verildiyi gündən etibarən maksimum keyfiyyət təmin olunsun.

Test mərhələsinin müddəti əvvəlcədən dəqiq müəyyən edilmir. Bu proses təxminən 10 gün, 20 gün, 1 ay və ya daha uzun davam edə bilər. Əsas məqsəd serveri tam stabil vəziyyətə gətirmək və bütün mümkün ssenariləri sınaqdan keçirməkdir.

Test müddətində yoxlanılan əsas məqamlar

•  Server performansı və resursların sabitliyi
•  Şəbəkə sürəti və gecikmə göstəriciləri
•  Təhlükəsizlik sistemlərinin işləmə qabiliyyəti
•  Disk performansı və məlumatların etibarlılığı
•  Yüksək yüklənmə altında sabitlik
•  Ehtiyat nüsxələmə və bərpa mexanizmləri

Test prosesi tam başa çatdıqdan sonra yeni server müştərilərimizin istifadəsinə veriləcək və bu barədə ayrıca rəsmi elan paylaşılacaq.

Məqsədimiz yalnız yeni server təqdim etmək deyil, eyni zamanda yüksək sürət, sabitlik və etibarlılığı təmin edən xidmət göstərməkdir. Göstərdiyiniz etimada görə təşəkkür edir, yaxın zamanda sizi yeni infrastrukturumuzla sevindirməyi səbirsizliklə gözləyirik.